eu - es - en - fr

Siadeco

Ikerketa aplikatua

Erakusleihoa

8. Standa: Genero Berdintasuna

Itzuli

Hiria generoaren ikuspegitik: Donostiako Aukera Berdintasuneko II Plana lantzeko oinarrizko diagnostikoa

Urtea: 2006 - Bezeroa: Donostiako Udala

Hiria generoaren ikuspegitik: Donostiako Aukera Berdintasuneko II Plana lantzeko oinarrizko diagnostikoa

Donostiako Aukera Berdintasuneko II Plana lantzeko oinarrizko diagnostikoaren egitasmoa, hiriko Berdintasun eta Giza Eskubideen Atalaren eskariari erantzunez egin du Siadecok.

Emakumezkoen eta gizonezkoen egoeraren inguruko diagnostikoaren helburua, hiriko Aukera Berdintasuneko II Plana lantzeko lagungarria gertatuko den oinarrizko informazio tresna bihurtzea da, eragin nahi den errealitatearen gaineko aurreikuspen eta neurriak egokituz, eta beraz, Planaren egokitasuna bermatuz.

Diagnostikoa egiteko, ezinbestekotzat jo da Udalak inbertitutako baliabideei eraginkortasun operazional maximoko irizpideak aplikatzea. Era honetara:

  • Ikerketa objektuaren inguruan dagoen zeharkako informazio dokumentalaren erabilera optimizatuz.
  • Herritarrengandik beraiengandik informazio eguneratu eta fidagarria bilduz.
  • Udalaren sail desberdinen parte hartzea eta informazioa bilduz, beraien ikuspegia txertatu, eta diagnostiko fasetik bertatik, Aukera Berdintasuneko Planaren ondorengo elaborazioan parte har dezaten sustatuz.

Abiapuntuko diagnostiko honek 239 orrialde ditu (azken eranskina kanpo), eta gaika bildutako 15 ataletan egituratzen da. Bertan ondorengo gaiekin loturiko hainbat alderdi lantzen dira: demografia, familia, lana, urbanismoa, kultura, kirola, komunikazioa, hezkuntza, osasuna, gizartea, instituzioak, parte hartzea, motibazioak, etab. Azken atalean generoaren ikuspegitik, hiriaren oinarrizko adierazleen bateria bat eskaintzen da, eta baita hiriko Aukera Berdintasuneko II Plana diseinatzeko garaian interesgarriak gerta daitezkeen hainbat gomendio orokor.

Egitasmoa landu ahal izateko, egitura metodologiko egokia definitu zen. Egitura hau, zeharkako dokumentazioaren (informazio dokumentalaren) nahiz zuzeneko informazioaren bilketan eta azterketa prozesuetan oinarritzen da. Zentzu honetan, zeharkako informazio iturri egokiak bildu eta aztertzeaz gain, inkestatze lan bat ere egin zela azpimarratu behar da - informazio zuzen kuantitatiboa biltzeko, hirian bizi diren 16 urte eta gehiagoko 400 pertsonen lagin adierazgarriari egin zitzaion inkesta- . Horretaz gain, kontsulta panel modura antolatu ziren informatzaile kualifikatuen lagin estrategikoarengandik, elkarrizketa sakon bideratuen teknikaren bidez, izaera kualitatibo eta dokumentaleko informazio zuzena biltzeko berariazko lana ere egin zen.

Bezeroaren webgunea bisitatu